1)گئتمه ترسا بالاسي
ايذن وئر توي گئجه‌سي من ده سنه دايه‌گليم
ال قاتاندا سنه مشاطه تماشايا گليم.
سن بو آيلي گئجه‌ده سئيره چيخان بير سرو اول.
ايذن وئر منده دالينجا سورونوب سايه گليم.
جورئتيم اولمادي بير كلمه تمنايه گليم.
من جهنم‌ده ده باش ياسديقا قويسام سنيله ،
هئچ آييلمام كي دوروب جنت مأوايا گليم.
ننه قارنيندا سنله ائگيز اولسايديم اگر.
ايسته‌‌مزديم دوغولوب بيرده بو دونيايا گليم.
سن ياتيب جنتي رؤيادا گؤرنده گئجه‌لر،
من ده جنتده قوش اوللام ، كي او رؤيايا گليم.
قيتيليغ ايللر ياغيشي تك قورويوب گؤز ياشيميز،
كوي عشقينده گرك بيرده مصلايه گليم.
سنده صحرايه ماراللار كيمي بير چيخ نولوكي ـ
منده بير صئيده چيخانلار كيمي صحرايه گليم.
آللاهيندان سن قورخماييب اولسان ترسا،
قورخورام منده دؤنوب دين مسيحايه گليم.
شيخ صنعان كيمي دونقوز اوتاريب ايللرجه،
سني بير گؤرمك اوچون معبد ترسايه گليم.
يوخ صنم ! آنلاماديم ، آنلاماديم ، حاشا من ،
بوراخيب مسجديمي ، سنله كليسايه گليم!
گل چيخاق طور تجلا'يه ، سن اول جلوهي طور،
من ده موسا كيمي اول طوره تجلا'يه گليم.
شيردير شهريارين شعري الينده شمشير،
كيم ، دئير من بئله بير شيريله دعوايه گليم ؟
.......................................................................................................................................................
2 )ناز ايله ميسن
چوخلار انجيكدي كي سن اونلارا ناز ايله ميسن
من ده اينجيك كي منيم نازيمي آز ايله ميسن
ائتميسن نازي بو ويرانه كونولده سلطان
ائوين آباد اولا درويشه نياز ايله ميسن
هر باخيشدا چاليبان كيپريگي مضراب كيمي
بير قولاق وئر بو سينيق قلبي نه ساز ايله ميسن؟
باشدان آچ يا يليغي افشان ايله سوسن-سنبل
سن بيزيم بايرامميز سان قيشي ياز ايله ميسن
سن گون اول قوي غم ميز داغدا قار اولسون اريسين
منيم آنجاق ايشيمي سوز و گداز ايله ميسن
من بو معناده غزل يازمالي حاليم يوخدي
سن جوجوق تك قوجاني فرفره باز ايله ميسن
كاكلي باشدا بوروب باغلا ميان تاج كيمي
او قيزيل ساچدان اونا گولو قتاز ايله ميسن
او قيزيل دشت مغان دير قوزي يان-يانه ياتيب
منيم آغلار گوزومي اوردا آراز ايله ميسن
بو گوز لليك جهاندا سنه وئرميش تانري
هر قدر ائله سن ايله كي آز ايله ميسن
من بو سوز يله آتدين آ؛رالاندين بيليرم
آراني بير پارا نامرد يله ساز ايله ميسن
دستماز ايله ديگين چشمه كليساده ميحا قاني دير
بيلميرم هانسي كليساده نماز ايله ميسن؟
من(عشيران)اوخوسام پنجه (عراق) اوسته گزه ر
گوزليم(ترك)اولالي ترك (حجاز) ايله ميسن
تازا شاعر بوده نيز هر نه باخيرسان ديبي يوخ
چوخ اوتوسان بو غازي اوردهگي قاز ايله ميسن
بسكه زلف و خط خالين قوپاغين گوتدون
زلفلي نين باشيني آزقالار دار ايله ميسن
گل!منيم ايسته ديگيم كعبه ييخيلماز اوجالار
باشدادا كج گئده سن ديبده تراز ايله ميسن
خط خاليندن آليب مشقيمي قرآن يازارام
بو حقيقت له مني اهل مجاز ايله ميسن
مني دان اولدوزي سن ياخشي تانيرسان كه سحر
افقي خلوت ائديب رازو نياز ايله ميسن
(شهريار)ين داغيليب داغدا داشا دادالانيب
ئوزون انصاف ايله محمودي اياز ايله ميسن