بایرام اولوب قیزیل پالچیق ازه للر
ناقیش ووروب اوتاقلاری بزه للر
تاخچالارا دوزمه لری دوزه للر
قیزـ گلینین فیندق جاسی ـ حناسی
هوسله نر آناسی، قایناناسی
«حیدربابا، بند ۳۰»
باکی چینین سؤزی، سؤوی کاغیذی
اینکلرین بولاماسی ،آغیزی
چرشنبه نین گردکانی مویزی
قیزلار دئیر «آتیل ـ ماتیل چرشنبه
آینا تکین بختیم آچیل چرشنبه
«حیدربابا، بند ۳۱»
بایرامیدی گئجه قوشی اوخوردی
آداخلی قیز بیگ جورابین توخوردی
هرکس شالین بیر باجادان سوخوری
آی نه گؤزل قایدادی شال ساللاماق
بیگ شالینا بایراملیغین باغلاماق
«حیدر بابا، بند ۲۷»۲
شال ایسته دیم منده ائوده آغلادیم
بیرشال آلیب تئز بئلیمه باغلادیم
غلام گیله قاشدیم شالی ساللادیم
فاطما خالا منه جوراب باغلادی
خان ننه می یادا سالیب آغلادی
« حیدربابا، بند ۲۸ »
یومورتانی گؤیچک گوللی بویاردیق
چاققیشدیریب سینانلارین سویاردیق
اویناماقدان بیرجه مگر دویاردیق
علی منه یاشیل آشیق و ئرردی
ایرضا منه نوروزگولی درردی
«حیدربابا،بند ۳۲»
| 
استاد شهریار در منظومة زیبای ترکی حیدر بابا بخشی ازمراسم مربوط به عید نوروز را چنین به تصویر میکشد:
بایرام اولوب قیزیل پالچیق ازه للر
ناقیش ووروب اوتاقلاری بزه للر .